New Fastag Rule जर तुम्ही रोज किंवा नियमितपणे राष्ट्रीय महामार्गांवरून प्रवास करत असाल, तर तुमच्यासाठी ही एक आनंदाची बातमी आहे. भारत सरकारने ७८व्या स्वातंत्र्यदिनी, म्हणजेच १५ ऑगस्ट २०२५ पासून एक नवा नियम लागू करत, टोल भरण्याच्या झंझटीतून सूट देणारा FASTag वार्षिक पास सुरू केला आहे. आता केवळ ३,००० रुपयांमध्ये वर्षभर किंवा २०० ट्रिपपर्यंत टोल फ्री प्रवास करता येणार आहे.
फक्त ३,००० रुपयांमध्ये वर्षभर टोल माफी
रस्ते वाहतूक आणि महामार्ग मंत्रालयाच्या या नवीन योजनेअंतर्गत, फक्त खाजगी कार, जीप किंवा व्हॅनसाठी वापरता येणारा वार्षिक पास सुरू करण्यात आला आहे. या पासचा लाभ घेतल्यास प्रवाशांना वर्षभर राष्ट्रीय महामार्गांवरील टोल भरण्याची गरज भासत नाही. हा पास दोन अटींपैकी जी आधी पूर्ण होईल त्या कालावधीपर्यंत वैध असेल – एक म्हणजे वर्षभर, आणि दुसरी म्हणजे २०० टोल फ्री ट्रिप्स.
कोणत्या वाहनांना पास लागू आहे?
हा पास केवळ खाजगी वाहनांसाठी (कार, जीप, व्हॅन) उपलब्ध आहे. व्यावसायिक वाहने जसे की ट्रक, टेम्पो, बस या योजनेसाठी पात्र नाहीत. याशिवाय, हा पास फक्त राष्ट्रीय महामार्ग प्राधिकरण (NHAI) च्या टोल प्लाझांवरच लागू असेल. राज्य महामार्ग किंवा स्थानिक स्वराज्य संस्थांच्या टोलनाक्यांवर सामान्य दराने टोल भरावा लागेल.
FASTag वार्षिक पास कसा खरेदी करायचा?
हा पास खरेदी करण्यासाठी वाहनधारकाकडे वैध आणि सक्रीय FASTag असणे अनिवार्य आहे. तुम्ही ‘राजमार्ग यात्रा’ अ‍ॅप किंवा NHAI च्या अधिकृत वेबसाईट (www.nhai.gov.in) वरून हा पास ऑनलाईन खरेदी करू शकता. पैसे भरण्यासाठी FASTag वॉलेट किंवा संबंधित बँक खात्याचा वापर करता येईल. एकदा पेमेंट आणि पडताळणी पूर्ण झाली की, पास FASTag शी लिंक होईल आणि १५ ऑगस्ट २०२५ पासून आपोआप अ‍ॅक्टिव्ह होईल.
प्रवाशांसाठी वेळ आणि पैशांची मोठी बचत
हा पास विशेषतः अशा प्रवाशांसाठी आहे, जे वारंवार महामार्गांवरून प्रवास करतात. प्रत्येकवेळी टोल भरणे, FASTag रिचार्ज करणे यासाठी लागणारा वेळ आणि खर्च वाचवण्यासाठी ही योजना फायदेशीर ठरणार आहे. एकदा पास घेतल्यानंतर वर्षभर टोलच्या ताटकळीत अडकण्याची गरज नाही.
Disclaimer: वरील लेखात दिलेली माहिती सार्वजनिक माध्यमांवर उपलब्ध माहितीनुसार तयार करण्यात आली आहे. यामध्ये वेळोवेळी बदल होऊ शकतात. कृपया अधिकृत वेबसाईट किंवा संबंधित विभागाची खातरजमा करूनच अंतिम निर्णय घ्यावा.
FAQs: वारंवार विचारले जाणारे प्रश्न
1. हा FASTag वार्षिक पास कोणाला लागू होतो?
हा पास फक्त खाजगी कार, जीप किंवा व्हॅनसाठी आहे. व्यावसायिक वाहनं यामध्ये समाविष्ट नाहीत.
2. पासची किंमत किती आहे?
फक्त ₹3,000 मध्ये तुम्हाला वर्षभर टोल फ्री ट्रिप्स करता येतील किंवा २०० टोलमुक्त ट्रिप्स मिळतील.
3. पास कुठे वैध आहे?
हा पास फक्त NHAIच्या टोल प्लाझांवर लागू आहे. राज्य महामार्गांवरील टोल यामध्ये समाविष्ट नाही.
4. पास कसा खरेदी करायचा?
NHAI ची अधिकृत वेबसाइट किंवा ‘राजमार्ग यात्रा’ अ‍ॅपवरून ऑनलाइन खरेदी करता येईल.
5. पास कधीपासून लागू होईल?
१५ ऑगस्ट २०२५ पासून हा पास अ‍ॅक्टिव्ह होईल.
