Aajcha IMD Andaj राज्यातील हवामानामध्ये पुन्हा एकदा बदल होत असून मराठवाडा आणि विदर्भातील काही जिल्ह्यांमध्ये विजांच्या कडकडाटासह हलक्‍या ते मध्यम स्वरूपाच्या पावसाची शक्यता वर्तवण्यात आली आहे. धाराशिव, लातूर आणि नांदेड या तीन जिल्ह्यांसह विदर्भातील सहा जिल्ह्यांना यलो अलर्ट देण्यात आला आहे. तर दक्षिण महाराष्ट्रातही पावसाची शक्यता आहे.
पुढील चार दिवस राज्यात कशी असेल पावसाची स्थिती?
हवामान विभागाच्या अंदाजानुसार पुढील चार दिवस महाराष्ट्राच्या बहुतांश भागात हलका ते मध्यम पाऊस पडण्याची शक्यता आहे. विशेषतः दक्षिण मध्य महाराष्ट्र आणि कोकण विभागात पावसाचा जोर हळूहळू वाढणार आहे. यासोबतच प्रादेशिक हवामान केंद्राने दिलेल्या माहितीप्रमाणे कोकण, मध्य महाराष्ट्र आणि मराठवाड्यात कमाल तापमानात २ ते ३ अंशांनी घट होईल आणि बहुतांश ठिकाणी ढगाळ वातावरण राहील.
हवामान इशारे आणि जिल्हानिहाय पावसाचा अलर्ट
IMD च्या अंदाजानुसार वादळी वाऱ्यासह पावसाचे येलो अलर्ट पुढीलप्रमाणे आहेत:
3 ऑगस्ट: अमरावती, नागपूर, भंडारा, गोंदिया, गडचिरोली, चंद्रपूर, नांदेड, लातूर, धाराशिव
4 ऑगस्ट: नागपूर, भंडारा, गोंदिया, चंद्रपूर, गडचिरोली, सोलापूर, धाराशिव, लातूर, नांदेड
5 ऑगस्ट: वर्धा, नागपूर, चंद्रपूर, गोंदिया, भंडारा, गडचिरोली, परभणी, हिंगोली, नांदेड, लातूर, धाराशिव, सोलापूर, सांगली
6 ऑगस्ट: बीड, परभणी, नांदेड, लातूर, धाराशिव, सोलापूर, सातारा, सांगली, कोल्हापूर, सिंधुदुर्ग
या काळात काही भागांत ताशी ४० ते ५० किमी वेगाने वारे वाहण्याची शक्यता आहे. मराठवाड्यातील काही जिल्ह्यांमध्ये विजांचा कडकडाट, वादळ आणि हलक्‍या सरींसह वाऱ्याचा जोर जाणवू शकतो.
कोकण आणि दक्षिण महाराष्ट्रात पावसाचा प्रभाव
तळ कोकण आणि दक्षिण महाराष्ट्रातील भागांमध्ये पावसाचा जोर हळूहळू वाढेल. जुलै अखेरीस पावसाने चांगली हजेरी लावल्यानंतर ऑगस्टच्या सुरुवातीलाच हवामानात अनिश्चितता पाहायला मिळते आहे. काही भागांत पावसाची उघडीप असून, काही जिल्ह्यांमध्ये पुन्हा पावसाची शक्यता वर्तवली गेली आहे.
Disclaimer: वरील माहिती ही हवामान खात्याच्या अधिकृत अंदाजावर आधारित आहे. यामध्ये हवामान बदलांनुसार काही तांत्रिक बदल होऊ शकतात. कृपया अधिकृत हवामान केंद्राच्या सूचना आणि इशाऱ्यांचे पालन करावे.
FAQs: वारंवार विचारले जाणारे प्रश्न
1. हवामान खात्याने कोणत्या जिल्ह्यांना यलो अलर्ट दिला आहे?
धाराशिव, लातूर, नांदेड, नागपूर, चंद्रपूर, गोंदिया, गडचिरोली यांसारख्या जिल्ह्यांना यलो अलर्ट देण्यात आला आहे.
2. या पावसाचा प्रभाव कोणत्या भागांवर अधिक जाणवणार आहे?
कोकण, दक्षिण महाराष्ट्र, मराठवाडा आणि विदर्भातील काही जिल्ह्यांमध्ये पावसाचा प्रभाव अधिक जाणवण्याची शक्यता आहे.
3. वाऱ्याचा वेग किती असण्याची शक्यता आहे?
या काळात वाऱ्याचा वेग ताशी ४० ते ५० किमी पर्यंत राहण्याची शक्यता हवामान विभागाने वर्तवली आहे.
4. पावसाचा जोर किती काळ टिकेल?
विदर्भात पावसाचा जोर दोन ते तीन दिवस कायम राहील आणि नंतर कमी होईल, असं IMD चं म्हणणं आहे.
5. पावसामुळे तापमानात काही बदल होणार का?
होय, पुढील तीन दिवस कोकण, मध्य महाराष्ट्र आणि मराठवाड्यात कमाल तापमानात २ ते ३ अंशांनी घट होण्याचा अंदाज आहे.
