Ladli Behna Yojana ‘मुख्यमंत्री माझी लाडकी बहीण योजना’ राबवताना सध्या मोठे घडामोडी सुरू आहेत. जुलै 2025 चा हप्ता अद्याप अनेक महिलांच्या खात्यावर जमा झालेला नाही. घोटाळ्यांमुळे शासनाकडून फेरतपासणी (स्क्रुटिनी) सुरू आहे. यामध्ये अनेक अपात्र लाभार्थ्यांचे नाव हटवले जात असून, त्यानंतरच पात्र महिलांना पैसे दिले जातील.
आदिती तटकरे यांनी लाडकी बहीण योजनेबाबत महत्त्वाची माहिती दिली आहे की, रक्षाबंधनाच्या आधी ८ ऑगस्ट रोजी महिलांच्या खात्यात १५०० रुपये जमा होणार आहेत. यंदा मात्र कोणताही बोनस जाहीर करण्यात आलेला नाही.
कशामुळे झाला विलंब?
लाडकी बहीण योजनेत 14 हजार पुरुषांनी महिलांच्या नावावर लाभ घेतल्याचा प्रकार समोर आला होता. शिवाय 9 हजार सरकारी महिला कर्मचाऱ्यांनीही लाभ घेतल्याचे उघडकीस आले आहे. त्यामुळे शासनाने सर्व लाभार्थ्यांची स्क्रुटिनी पुन्हा सुरू केली आहे. यामुळे पैसे देण्यात काहीसा विलंब झाला आहे.
यंदा बोनस मिळणार का?
गेल्या वर्षी रक्षाबंधनाच्या निमित्ताने सरकारने महिलांच्या खात्यात 3000 रुपये, म्हणजेच 1500 रुपये हप्ता + 1500 रुपये बोनस जमा केले होते. यंदा मात्र बोनसबाबत कोणतीही घोषणा झाली नाही. त्यामुळे महिलांना यावेळी फक्त 1500 रुपये हप्ता मिळेल, असे स्पष्ट करण्यात आले आहे.
ज्यांना जूनचा हप्ता मिळाला नाही त्यांचे काय?
स्क्रुटिनीमध्ये काही पात्र महिलांना जून महिन्याचा हप्ता मिळालाच नाही. अशा लाभार्थींना, जर त्या पात्र असल्याचे सिद्ध झाले, तर जूनचा 1500 + जुलैचा 1500 = एकूण 3000 रुपये मिळू शकतात.
पात्रतेचे निकष काय आहेत?
अर्जदार महिला 21 ते 65 वर्षांदरम्यानच्या वयाच्या असाव्यात
वार्षिक उत्पन्न अडीच लाखांपेक्षा कमी असावे
कुटुंबात गाडी किंवा ५ एकरपेक्षा जास्त जमीन नसावी
एका कुटुंबातील फक्त दोन महिलांनाच लाभ मिळू शकतो
सरकारी नोकरीत कार्यरत महिलांना लाभ नाही
Disclaimer: ही माहिती शासकीय आणि माध्यम स्रोतांवर आधारित आहे. योजनेच्या अटी व शर्ती आणि हप्त्याची अंतिम रक्कम शासकीय निर्णयावर अवलंबून आहे. अधिकृत खात्यांशी संपर्क करून अधिक माहिती घ्यावी.
FAQs: वारंवार विचारले जाणारे प्रश्न
1. जुलैचा हप्ता कधी येणार आहे?
8 ऑगस्ट 2025 रोजी संध्याकाळपर्यंत 1500 रुपये महिलांच्या खात्यात जमा होतील.
2. यंदा रक्षाबंधन बोनस मिळणार का?
सध्या कोणताही बोनस जाहीर झालेला नाही. फक्त 1500 रुपयांचा नियमित हप्ता मिळणार आहे.
3. ज्या महिलांना जूनचा हप्ता मिळाला नाही त्या काय करतील?
जर त्या पात्र असतील तर त्यांना जून आणि जुलैचे एकूण 3000 रुपये मिळू शकतात.
4. स्क्रुटिनीमुळे कोण वगळले जात आहेत?
अपात्र पुरुष, सरकारी महिला कर्मचारी, उत्पन्न/मालमत्ता निकष पूर्ण न करणाऱ्या महिलांचे नाव यादीतून वगळले जात आहे.
5. अर्ज मंजूर असूनही हप्ता मिळत नसेल तर काय करावे?
आपल्या अर्जाची स्थिती जिल्हा महिला व बालकल्याण कार्यालयात किंवा संबंधित पोर्टलवर तपासा.
